بایاتلایان اوچ شعر

عباس جوادی – سه شعراز دوران «هنوزجوانی» و شعر سرائی. سال های1980…

A Design by Abol Bahadori

A Design by Abol Bahadori

 

کهکشاندا آلما قوردونون سوداسی

بیر کهکشان دوشون،

کهکشاندا بیر دنیا،

دنیادا بیر اؤلکه،

  اؤلکه ده بیر باغچه،

باغچادا بیر آغاچ،

آغاچدا بیر آلما،

آلمادابیر قورت،

قورتدا بیر سودا:

اؤز آلمامی کشف ائتدیم

ایندی ده آغاجا چیخاجاغام.

سونرا دا اؤز علمیمله

الّلهی تاپاجاغام!

بئشینجی اون ایللیکده

دؤرت دفعه دلیجه عاشق اولموشام.

یعنی وورسان عمرومه،

هر اون ایلده بیر دفعه

قلبیم منی بیر هوسه ساتیبدیر.

ایندی یاشیم قیرخ ایکی،

دئمک کی،

بئشینجی عشقیمین وقتی گلیب چاتیبدیر.

صبرسیز

بیر گوُن بوخ، ایندی

ایندی ایستردیم سنی یانیمدا.

نه آختارماغا طاقتیم قالیب،

نه گوُزله مگه فرصتیم.

بیر یاندان دا اولدوزلار،

اولدوزلار آخیر

آسمانیمدا…



دسته‌ها:تورکی Türkçe